طريقة التبليغ عن الوفاة

من طرف **sky** السبت فبراير 23, 2008 6:16 pm

صبحي كان عسكري بالجيش ... توفي أبوه
طلبوا من قائد سريته ( تحسين ) ان يخبره بدبلوماسية عشان ما ينصدم
قائد السرية السيد تحسين وقف بالنص .... وقال
' اللي أبوه عايش يروح عاليمين، واللي أبوه ميت عالشمال '
صبحي وقف عاليمين طبعا لانه ما عرف انه أبوه مات
قائد السريه قال لصبحي : انت عالشمال يا غبي

************************

وحده جوزها مات .... طلبو من صديق جوزها ( تحسين ) يخبرها بأسلوبه ..
راح عليها قلها :
- تحسين :بتعرفي بدي احكيلك شغله عن جوزك .....
- المراة: ايش هي ؟؟؟ احكي ...
- تحسين : اتجوز عليكي
- المراة: ايش ؟؟؟ شو بتقول ؟؟؟؟؟؟ لاااااااااااااااااا ..... و ما خلت مسبة عن جوزها
- تحسين : لا لا بمزح معك .. هو بس مات

***************************

وحده جوزها مات بحادث ....
الشرطي اللي كشف على الحادث فكر بطريقه يخبرها للمدام باسلوب حلو
قلها :
' انتي أرملة محمد ؟؟؟ '
قالتلو : ' لا '
قالها ' بتشارطي ؟؟؟

*************************

وحدة ابنها مات ....
اجا جوزها يخبرها بطريقته ..
قلها ابنك امبارح عم يبصبص على بنت الجيران من الشباك.

الام : ' الله يقصف عمره '
الاب: ' ما هو قصفه وخلص '

*************************

وحده جوزها متغرب ... بيشتغل برا ... الله أخد أمانته .. ومات ..
قالو لصاحبه (تحسين) يبلغ مرته وما يصدمها ...
راح لعندها و قلها :
' كيفك ام محمد .. ايمتى شفتي جوزك آخر مره '
ام محمد: ' والله من اربع شهور '
قلها : بقص ايدي اذا بتشوفيه مرة تانية

*************************

الدكتور للزوجة : بدي احكيلك شغلة اختي بس على انفراد ....
بتعرفي الامراض موجودة منذ الازل....
والامراض الصعبة كمان....
والعلم بحاول دايما يتغلب عليها ومرات بنجح ومرات بفشل ...
وزوجك عنده سرطان بالدم ولهلأ العلم ما لقي دوا شافي بسرعه لهالمرض .....
فديروا بالكم عليه وشوي شوي معه , وخبروا المعلومة شوية شوية ....

رجعت الزوجه عند زوجها ...

الزوج: شو قالك الدكتور؟
الزوجة: قالي حكي بالطب مافهمتوا, بس اللي فهمتوا انك حتموت